تيتا سوسو كتب:
مفرش رائع جدا
هل ممكن انفذه كا مفرش للسفرة طولها مترين والعرض متر ؟؟؟؟؟؟؟؟؟؟
وانا بحب اشتغل بخيط السلسلة فا هل مناسب لكى أبدأ معكى ؟؟؟؟؟؟؟؟؟؟؟؟؟؟؟
وشكرا لمجهودك الكبير
اهلا وسهلا بكى تيتا سوسو منورة المنتدى
ممكن جدا تنفذيه بالطول والعرض اللى انتى عاوزاه اشتغلى وحده وقسيها وشوفى هتكرريها قد ايه عشان تحصلى على الطول والعرض المناسب
وللاسف انا اول مرة اسمع عن خيط السلسلة بس لو انتى مجرباه قبل كدا وكويس معاكى يبقا توكلى على الله واشتغلى بيه
نحمدوه كتب:
طب هي كده الورشه خلصت ولا ايه فين تشبيك الورده ها تشبك اذاي في المفرش انا مش عايزه ابدأ غير لما اتأكد أن كله تمام واقدر انفذه يارب تسعفيني بارك الله فيكي علي فكره المفرش عاجبني اوي اوي بس انا ها اعمله لونين في بعض الروز في الابيض للسرير الورده روز والحده الكبيره ابيض ايه رأيك مش يبأي حلو
ان شاء الله باقى اخر سطر وطريقة تشبيك الوردة ان شاء الله ام ياسمين ترجع بالسلامة وتكمل الشرح
واختياراتك للالوان روعه بالتوفيق ان شاء الله
نحمدوه كتب:
عمل 8س و نغلق بمنزلقة
نطلع ب3س تمثل اول عمود ثم نعمل 4 س
ثم نعمل 5ع بينهم 4س
هيكون عندنا كدة 6ع بينهم 4س
ونغلق بمنزلقة
نطلع بسلسلة ( تمثل اول غرزة حشو) ثم سلسلتين
الجزء ده انا مش فهماه خالص ممكن لو ليه باتلرون صغير او عينه علي شان اشوفها
هشرحهالك بطريقة اخرى
السطر الاول=8سلسلة وتغلقيهم بمنزلقه
السطر الثانى =هتشتغلى 6عواميد بين كل عامود والاخر 4 سلسلة(هتشتغلى 3 سلاسل كارتفاع لاول غرزة عمود ثم هتشتغلى 4 سلاسل ثم هتشتغلى 5 عواميد وبين كل عمود والاخر 4 سلاسل)ونغلق السطر بمنزلقة
السطر الثالث=هتشتغلى سلسلة ارتفاع تمثل اول غرزة حشو ثم سلسلتين وتكملى كما فى الصور
