حردات الرقبه والابط بجميع انواعها

حردات الرقبه كروشيه - حردات الابط كروشيه - حردة الابط المربعةكروشيه - حردة الابط المدورة كروشيه - حردة الابط الرجلان كروشيه - حردة الرقبه السبرينا كروشيه - حردة الرقبة ال7 كروشيه - حردة الرقبة المربعه كروشيه - حردة الرقبة المدورة كروشيه - شروحات كروشيه

بسم الله الرحمن الرحيم


ده شرح بسيط للحردات مؤقتا لحد ما نعمل موضوع كامل عن الحردات استكمالا للدورة

طريقة شرح الحردات بانواعها

تتشابة حردات التريكو مع حردات الكروشية لذلك ساشرحهم معا

ان شاء الله سوف اشرح طريقة حردة الابط والرقبة بانواعها

نبدا بحردة الابط

توجد لحردات الابط 3 انواع
حردةالابط المربعة والمدورة والرجلان
اولا حردة الابط المربعة وهى اسهل الحردات
نبدا بشغل القطعة المختارة اذا كانت بلوزة اوبلوفر اوفستان او جاكت
نشتغل الطول المناسب حتى نصل لحردة الابط
نترك او نقفل فى اول السطر من الجهتين 8 غرز او عواميد للكبار
وللصغار نترك 5 غرزاو عواميد بدون شغل حسب نوع الشغل اذا كان تريكو او كروشية
ثم نشتغل حتى طول حردة الابط المناسبة مع عمل حردة الرقبة
ثم نقفل غرز الاكتاف على 4 او 5 مرات لعمل الكرف للكتف
وكدة نكون انتهينا من حرة الابط المربعة
الحردة المدورة

نترك او نقفل فى اول السطر من الجهتين5 غرز او عواميد للكبار
وللصغار نترك 3غرزاو عواميد بدون شغل حسب نوع الشغل اذا كان تريكو او كروشية

ثم نترك اونقفل فى اول واخر ال7 اسطر التالية غرزة او عمود

ثم نترك غرزة او عمود فى سطر ونترك سطر بدون تنقيص 5 مرات

ثم نشتغل بدون تنقيص حتى طول حردة الابط المناسبة مع المحافظة على عمل حردة الرقبة

ستجدين هذة الحردة عبارة عن نصف دائرة كانها مقصوصة بمقص

حردة الابط الرجلان


ابدائى بتنقيص 5 غرز او عواميد فى بداية السطرين التاليين


ثم اقفلى غرزة او عامود فى اول واخر السطر


ثم اشتغلى السطر التالى دون تنقيص يعنى التنقيص فى سطر وسطربدون تنقيص


مع عمل حردة الرقبة حتى يصبح على الابرة غرزة واحدة اقفليها


وكدة انتهينا من حردات الابط كلها


حردات الرقبة

حردات الرقبة 4 موديلات اما مدورة او على شكل 7 او مربعة او سابرينا


ودائما حردة الرقبة تعمل مع حردة الابط

حردة السبرينا

فى هذة الحردة يكون الامام مثل الظهر

نشتغل البلوزة حسب الطول المطلوب حتى الكتف ثم نقسم عدد الغرز على 3 ثم نشتغل الثلث الاول ونقفل الثلث الثانى

ثم نشتغل الثلث الثالث

كدة يبقى معنا ثلثين نقفل كل ثلث على 3 مرات يعنى نقسم عدد غرز الكتف على 3 ونقفل االثلث الاول ونشتغل باقى

الغرز ثم نرجع ثم نقفل الثلث الثانى ثم نرجع ثم نقفل الثلث الثالث وكدة نكون قفلنا الكتف الاول

ثم نشبك الخيط فى الكتف الاخر ونشتغل سطر ثم نقفل مثل الكتف الاخر والحردة فى الكروشية والتريكو واحدة

قفل الغرز للكتف يكون من اول السطر وليس من عند حردة الرقبة


حردة الرقبة ال7

اولا للظهر

نشتغل حتى الاكتاف ثم نقسم عدد الغرز الباقية بعد حردة الابط على 3 ثم نقفل الثلث الاول على 5 مرات ثم نترك الثلث

الثانى على دبوس اذا كان الشغل تريكو اما لو كروشية يبقى اتقفلوا لوحدهم ثم نقفل الثلث الاخير مثل الثلث الاول

ثانيا للامام

وهنا تبدا حردة الرقبة بعد ان نقفل ال5 غرز او العواميد الاولى من حردة الابط وننقص الغرزة او عمودفى اول واخر الثلاث سطور

ثم نبدا الحردة مع تنقيص السطر الرابع وهنا يحصل الاتى نقسم عدد الغرز على 2 ثم نشتغل هكذا

ننقص غرزة اوعمودفى اول السطر ثم غرزة فى منتصف السطر ثم غرزة فى اخر السطر

كدة اصبح الشغل مقسم لقسمين نشتغل كل قسم لوحدة وننقص الابط حسب ترتيبة وننقص غرزة اوعمودلحردة ال7 فى

سطرونترك سطر دون تنقيص ونشتغل هكذا حتى نصل الى طولى حردة الرقبة واللابط المطلوبين ثم نقفل الاكتاف

على اربع او خمس مرات
وكدة يبقى انتهينا من حردة الرقبة السبرينا وال7

حردة الرقبة المدورة

اولا الظهر مثل حردة الظهر للغرزة ال7

ثانيا الامام

اذا كانت صغيرة تبدا مع نهاية حردة الابط اما اذا كانت كبيرة وواسعة فتبدا مع بداية تشكيل

حردة الابط من تنقيص سطر وترك سطر دون تنقيص وهى نقسم عدد الغرز او العواميدعلى 3 بحيث

تكون الجهتين اكبر من الوسط بمقدار 18 او 20 غرزة او عمودثم نلقط غرز الوسط على دبوس

فى حالة التريكو اما فى الكروشية يتركوا دون دبوس


ثم ننقص غرزة او عمودفى الخمسة اسطر التالية من جهة الرقبة مع المحافظة على التنقيص جهة

حردة الابط ثم تنقيص سطر وترك سطر دون تنقيص 3 مرات ثم نشتغل حتى يصبح طول

الحردة للابط مساوى لحردة الظهر ثم نقفل غرز الكتف مثل الظهر

الحردة المربعة

اولا الظهر

وتبدا مع بداية حردة الكتف

اقفلى 6 غرز او عواميدفى الاربع اسطر التالية ثم اقسمى الغرز او العواميدالباقية على 3 بحيث يكون الجانبين


اكبر من الوسط بمقدار خمسة غرز او عواميدثم القطى غرز الوسط على دبوس فى حالة التريكو ثم ابدائى بالتنقيص

3 غرز او عواميدجهة فتحة الرقبة والست غرز للكتف مرتين ثم اقفلى جهة الرقبة مرة اخرى ثم

اقفلى باقى الغرز ثم اقفلى الجهة الاخرى مثل الاولى

ثانيا الامام

وتبدا مع نهاية حردة الابط من تنقيص سطر وترك سطر دون تنقيص

مع اخر سطر من الحردة نقسم عدد الغرز او العواميدعلى 3 ثم نلقط غرز الوسط على دبوس فى التريكو

ثم نشتغل الجهتين دون تنقيص حتى تصبح حردةالابط مساوية لحردة ابط الظهر ثم نقفل الاكتاف

مثل الظهر


كدة انتهينا من جميع حردات الرقبة

طريقة حردات الكم

حردة الكم

اقفلى 5 غرز فى بداية السطريين التاليين

ثم انقصى غرزة فى بداية ونهاية الخمسة اسطر التالية

ثم انقصى فى سطر واتركى سطر دون تنقيص 7 1مرةثم اشتغلى سطر دون تنقيص

ثم انقصى غرزة فى بداية ونهاية السبع اسطر التالية

ثم اقفلى 4 غرزفى بداية الاربعة اسطر التالية ثم اقفلى باقى الغرز مرة واحدة

كدة يبقى حردة الكم خلصت
تحت امركم فى اى سؤال

نورتى المنتدى اموله وبجد بفرح قوى بتمسكك وكل الاعضاء الغاليين عليا بدخول المنتدى والاطمئنان عليه من وقت للتانى ده بيدينى حماس ودافع انى اقدم الاحسن ويارب اكون قد المسؤوليه دى

وكل عام وانتى بالف صحة وسلامه ياقمر

احنا الحمد لله تمام بس جنى بقا واخده معظم وقتى بس ان شاء الله نكمل الدورة فى اقرب وقت
المهم طمنينى عليكى ويارب تكون ظروفك انتهت على خير وربنا يسلمك من كل سوء

اتمنالك التوفيق من كل قلبى

اهلا بيكى اموله
وعلى فكرة الموضوع ده اختصار بس للحردات عشان كان فيه عضوه عاوزاه ضرورى بس طبعا لسه هعمل موضوع كامل متكامل عن الحردات بالتفصيل الممل ضمن دروس الدورة واكيد هيبقا ملغم بالصور

حمد الله على السلامه ياجميل ولعل المانع خير

اجمل انواع الطمع هوا الطمع فى العلم

ههههه معرفش المثل بالظبط بس هوا معناه كدا

ومن عنيا الاتنين وطبعا الموضوع ده انا حطيته باختصار كدا وعلى السريع عشان كان فيه عضوة طلبته منى وكانت عاوزه شرح سريع
والموضوع ده مش من ضمن دروس الدوره بس ان شاء الله اما يجى عليه الدور فى الدروس اكيد هيبقا مليان وملغم بالصور خطوة خطوة وان شاء الله بعد كدا مش هتعملى غير الموديلات اللى فيها حردات

اتمنى لك التوفيق فى كل اعمالك

يسلملى ذوقك ومنورة المنتدى واى استفسار انا فى خدمتك وان شاء الله نشرحه بالصور