كيفية إستخراج باترون موديل من مجلة بوردا وتفصيله

اهلا وسهلا بكىdodobadry

نورتى الموضوع وسعيدة بأسئلتك جدا

انا عارفه ان الموضوع يلخبط بس يارب اقدر اوصلك الفكرة

بالنسبة لطريقة ثنى القماشة بتختلف من موديل لاخر وكمان بتختلف من مقاس لاخر لنفس الموديل
سيبك من المثال الموجود فى الموضوع لانه مكلكع شويه
فى معظم الموديلات هنثنى القماشه بتاعتنا مجوز وبنضع فوقها قطع الباترون بالترتيب والاتجاهات اللى هنلاقيها فى ارشادات كل موديل
هتسالينى ليه بنتنى القماشه اصلا ؟ ده لاسباب كتيرة منها اننا بنوفر فى القماش كمان عشان القطع المتشابهه تبقا متطابقه ونقصها مرة واحده مثال على كدا مثلا الظهر لو مقسوم لجزئين يمين وشمال وبينهم خياطه هنلاقى الملحق مدينا قطعة باترون تمثل نص الظهر فقط هنضعها على القماش المجوز وبالتالى هنحصل على قطعتين من القماش لجزئى الظهر الشمال واليمين

اما بالنسبه لاتجاه وضع القطع على القماشة فمهمه عشان نسيج القماش يتكون من خيوط بالعرض وخيوط بالطول يعنى ممكن تلاقى القماشة بتمط بالعرض ومابتمطش بالطول وده باثر على التفصيله لو وضعنا القطع باتجاه خاطئ على القماشه

اما الارقام والعلامات دى مهمه جدا عشان اما نيجى نوصل القطع ببعضها نعرف هنوصل كل قطعتين مع بعض عند اى نقطه
زى المثال بتاعنا ده



شوفى القطعه رقم 5 واللى بتمثل الكم
هنلاقى رقم 6 على الناحية الشمال ودى معناها اننا هنوصلها بالنقطه رقم 6 الموجوده فى القطعه رقم 2 واللى بتمثل الظهر وهكذا

اتمنى تكون الصورة وضحت شويا واى سؤال انا تحت امرك

السلام عليكم

اهلا بكى معانا فى المنتدى ويارب يكون نال اعجابك

بالنسبة للمجلة المترجمة عربي كانت بتنزل زمان فى الثمانيات وبعد كدا انقطعت اما الان بعض الاعضاء قالوا انها رجعت الان بس انا ما شفتهاش

بالنسبة للحصول على المجلة هتجديها عند مجلات بيع الجرائد الكبيرة

شكرا لوجودك معانا وده هدف المنتدى تقديم حاجات جديده ومفيده تنفع الناس واحنا تحت امرك فى اى حاجه

اهلا بكى امانى المجله متوفرة الان باللغه الروسيه وانا تحت امرك فى ترجمة اى موديل

ويكرمك ان شاء الله نورتى الموضوع

اهلا بكى امل وممكن تراسلينى على الخاص لنطرح الافكار سويا للارتقاء بالموضوع

جزانا واياكى نورتى الموضوع