سالي سليم كتب:
بسم الله الرحمن الرحيم
اولا احب اشكرك على المجهود الرائع وبجد المفرش تحفه وفي منتهى الجمال
بس لو تسمحيلي عندي سؤالين
الاول الطاره عباره عن ايه وممكن الاقيها فين
والتاني هو تكلفة المفرش زي ما بنشتريه واللا تقريباً كام والخرز غالي واللا ايه
ارجو الافاده لان المفرش عجبني ونفسي انفذه
وبجد تسلم ايدك
شكرا سالى على تفاعلك مع الموضوع ونورتيه
بالنسبة للطارة إسمها طارة تطريز ودى عبارة عن دائرة بلاستك او خشب وجواها دايرة حديد
وبنستخدمها لشد القماش اثناء التطريز سواء كان بالخرز او بالخيوط ودى بتساعد ان القماش مايلمش منى وانا بطرز
بتحطى الدايرة الحديد تحت القماشة والدايرة البلاستيك فوق القماشة وتدخلى الدايرتين فى بعض وتحكمى اغلاقها بالمسمار
الطارة هتلاقيها عند بتوع الكلف والخردوات يعنى اللى بيبيعوا زراير وخيوط
اما بالنسبة لتكلفة المفرش فهيا طبعا ارخص بكتييييييييييييييير من الجاهز يعنى انا مفرشى إتككلف تقريبا 150ج مصرى ولو نفس المفرش اتباع جاهز مش هيبقا اقل من 700ج مصرى لكمية الشغل اللى فيه
بالنسبة للخرز طبعا اسعاره مختلفه وبيبقا بالجرام
انا اشتريت معظم الخرز جملة كان النص كيلو ب6ج مصرى تخيلى بقا النص كيلو ممكن يعمل مفرش زى ده
بس كان فيه الوان مابلاقيهاش فى محلات الجملة ودى اشترتها قطاعى
وانا انصحك تدورى على محلات الجملة الاول ولو مالقتيش فيها شوفى بقا محلات القطاعى وامرك لله
واى سال انا فى الخدمة
