الرز المعمر المصرى,الرز المعمر فى الصينيه,طاجن الرز المعمر,الرز المعمر بالقشطه
المكونات
رز لبن جاموسى كامل الدسم ملح قشطه
هنغسل الرز كويس ونضعه فى الصينية اللى هيتسوى فيها
هنضع اللبن فوق الرز زى مابنعاير المايه عند عمل الرز الابيض العادى يعنى اللبن يبقا فوق الرز عقلة ونص او ممكن تقدرى ان كيلو اللبن بياخد كوبيتين رز
هنحط الملح بتاعنا حسب الرغبه
وبعد كدا اهم خطوة واللى بتخلى الرز المعمر زى الرز المعمر الفلاحى فى الشكل والطعم انا بجيب القشطه اللى بتطلع من وش اللبن وبخزنها فى الفريزر بطلعها من الفريزر وبحطها فى وسط صينيه الرز
خطوه مهمه كمان انك تسيبى الرز منقوع فى اللبن مش اقل من 3 ساعات وانا بسيبه فى الثلاجه اضمن
بعد كدا قبل ماتدخليه الفرن بتقلبيه بالمعلقه عشان توزعى القشطه واللى بتكون ساحت
وتدخليها الفرن على الرف السفلى عند درجه حرارة 200 بتاخد حوالى ساعه هتلاقى وشها احمر وعمل قشره وبجد الطعم لازم تجربوها عشان تدوقوا بنفسكوا
لا تستطيع كتابة مواضيع جديدة في هذا المنتدى لا تستطيع كتابة ردود في هذا المنتدى لا تستطيع تعديل مشاركاتك في هذا المنتدى لا تستطيع حذف مشاركاتك في هذا المنتدى لا تستطيع إرفاق ملف في هذا المنتدى
