المكونات 5 اوراك فراخ مخلية من العظم وممكن صدور فراخ وممكن فرخة بالعظم متقطعة 8 قطع بس من غير جلد طبق مشروم حجم صغير ولو المشروم كبير نقطعة قطع كبيرة بصلاية كبيرة متقطعة
هنتبل الفراخ بالملح والفلفل والبابريكا
ونعفرهم فى شوية دقيق
طاسة سخنة وفيها ملعقة زبدة كبيرة ومعلقة زيت وننزل الفراخ تتشوح وتاخد لون جميل
هنشوحها على الجنبين
وبعد التشويح هنحطهم فى صينية بيركس
فى نفس طاسة تحمير الفراخ هننزل بالبصل ونشوحه يادوب يدبل
هننزل بالمشروم يتشوح وياخد لون حلو مع البصل
هنحطهم على الفراخ زى الصورة
هنحضر صوص البشاميل زى ما عملناه كتير قبل كده
هنحط عليهم البشاميل
ونرش رشة جبنة موتزاريلا
ندخلها فرن متسخن مسبقا على درجة حرارة 200 لمدة نص ساعة ولو الفراخ بالعظم هنسيبها ساعة الا ربع
لا تستطيع كتابة مواضيع جديدة في هذا المنتدى لا تستطيع كتابة ردود في هذا المنتدى لا تستطيع تعديل مشاركاتك في هذا المنتدى لا تستطيع حذف مشاركاتك في هذا المنتدى لا تستطيع إرفاق ملف في هذا المنتدى
