الرز المحمر الصينى و الفراخ المكرملة من مطبخ مروة الشافعى بالصور
المقادير : فراخ. ... معلقتين كبار زيت زيتون أو أى زيت عندك . معلقتين كبار ويسترشاير صوص و دة بيتباع في اى سوبرماركت كبير. معلقتين كبار من الصويا صوص الخفيف. .لو عندك الصوص تقيل يبقى معلقة واحدة كبيرة. معلقة بصل بودر و معلقة ثوم بودر. معلقة كبيرة عسل ابيض. ملح و فلفل و بابريكا.
حطى كل الحجات على بعض. ...
تبلى بيها الفراخ و سبيها فى التتبيلة من نص ساعة لساعة
حطيها فى صينية فرن بالتتبيلة كلها. ...
دخليها الفرن على أعلى درجة عندك تقريبا من ساعة لساعة و نص و كل نص ساعة اقلبى الفراخ كدة زى الصورة
عنوان المشاركة: Re: الرز المحمر الصينى و الفراخ المكرملة من مطبخ مروة الشافعى بالصور
مرسل: الخميس مارس 30, 2017 10:17 pm
مراقب عام
اشترك في: الاثنين إبريل 05, 2010 7:23 pm
مشاركات: 13047
مكان: المنصورة
الرز الصينى او اليابانى الحقيقة انى مغيرة فى مكوناتة شوية و هقولكم اية المتغير. ...
المقادير : رز بسمتى أو مصرى عادى مسلوق و لازم يكون بارد خالص و يا سلام لو رز بايت كان في التلاجة هما بيعملوة كدة بالرز البايت. ... بصلاية كبيرة متقطعة. ..فصين ثوم متقطعين شرايح. . بسلة و جزر. ... هوت دوج بقرى متقطع شرايح أو ممكن نستخدم بداله فراخ أو لحمة أو جمبرى .... معلقة من ويسترشاير صوص و معلقة من الصويا صوص الخفيف. .لو تقيل يبقى نص معلقة. .. 3 معالق كبار زيت زيتون أو أى زيت عندك. . ملح و فلفل .... بصل أخضر متقطع للتزيين. .. الإضافات الأصلية بقى فى الوصفة دى و انا مستخدمتهاش هى ... جنزبيل فرش متقطع صغير. ... و بيض ... و صوص سمك. ... و سمسم. ....لو حابة تضفيهم على الوصفة حسب زوقك
أول حاجة هنحط الزيت و نشوح البصل. .
ننزل علية بالثوم
و عليهم البسلة و الجزر و نقلب لغاية ما البسلة و الجزر يتحمروا شوية. ...
ننزل بالهوت دوج أو ممكن نحط فراخ أو لحمة متقطعة صغير جمبرى صغير .....و شوحيهم. ..
حطى بقى الرز ..و قلبى. .
و عليهم الويسترشاير صوص و الصويا صوص. .. و قلبى ...
كدة خلاص جاهز ...فى الوصفة الأصلية بيحطوا فى المرحلة دى بيض و يقلبوه و يسيبوة يستوى شوية. . انا محطتش. .
لا تستطيع كتابة مواضيع جديدة في هذا المنتدى لا تستطيع كتابة ردود في هذا المنتدى لا تستطيع تعديل مشاركاتك في هذا المنتدى لا تستطيع حذف مشاركاتك في هذا المنتدى لا تستطيع إرفاق ملف في هذا المنتدى
