_هذه الغرزة سميت بالطويله لانها تكون اطول من الغرزة الطبيعية _وفكرتها تعتمد على مكان وضع الإبرة لعمل الغرزة فبدلا من عمل الغرزة بإدخال الإبرة فى نفس السطر سنقوم بإدخال الإبرة فى السطر(أو السطور)السابقة كما سنشرح خلال الدرس
_هذه الغرزة ممكن ان تكون غرزة حشو او نصف عمود او عمود او عمود ثلاثى او رباعى او خماسى _هذه الغرزة لها اطوال مختلفه تعتمد على نوع الغرزة المكونه لها وايضا فى اى سطر من السطور السابقه سندخل الإبرة
عنوان المشاركة: Re: الدرس(24):الغرزة الطويلة (long stitch(spikes
مرسل: الثلاثاء يوليو 12, 2011 10:09 am
مراقب عام
اشترك في: الاثنين إبريل 05, 2010 7:23 pm
مشاركات: 13047
مكان: المنصورة
تعالوا نشرح مثال على الغرزة الطويلة ولتكن غرزة الحشو الطويله
long single crochet single crochet spike
وإختصارها فى الباترونات المكتوبه lsc
ورمزها فى الباترونات المرسومه
وشكلها وسط الباترون المرسوم تكون بهذا الشكل
وتعالوا نشوف طريقة عملها بالصور
هندخل الإبرة فى المكان المراد عمل الغرزة الطويله فيه وهو فى الرسم التوضيحى التالى فى السطر التالت فى الغرزة نفسها(ملاحظه ده مثال توضيحى فممكن ادخال الابرة فى السطر الثانى او السطر الرابع وهكذا وطول الغرزة سيختلف حسب السطر اللى هندخل الابره فيه)
ايضا هناك البعض بيدخلوا الابرة بين الغرز وليس فى الغرزة نفسها
هنلف الخيط لفه حول الابره ونسحبها خارج الغرزة ونطول اللفه حتى تصبح فى نفس مستوى الغرزة العاديه اللى فى سطر الشغل
هنلف الخيط لفه حول الابرة ونسحبها من خلال اللفتين الموجودين على الابرة
وبكدا تكون اتكونت عندنا غرزة حشو طويلة
هنعمل نفس الخطوات فى غرزة العمود الطويله مع مراعاة اننا بنعمل غرزة عمود مش غرزة حشو يعنى هنلف لفه حول الابرة الاول قبل ماندخلها فى المكان المراد عمل الغرزة الطويله فيه ونكمل غرزة العمود عادى
عنوان المشاركة: Re: الدرس(24):الغرزة الطويلة (long stitch(spikes
مرسل: الأربعاء يوليو 13, 2011 10:04 pm
عضو نشيط
اشترك في: الجمعة مايو 27, 2011 1:46 am
مشاركات: 144
مكان: القاهره/الهرم
سهلة جدا الغرزة دي وانا كنت عملتها في شنطة من زمان من غير مااعرف اسمها ايه شكرا علي مجهودك الرائع وان شاء الله تكوني بخير
ربي اوزعني ان اشكر نعمتك التي انعمت علي وعلي والدي وان اعمل صالحا ترضاه اللهم اني استودعك مافي رحمي فرده الي في وقته سليما معافي من غير زيادة اونقصان وحسن خلقه وخلقه واجعله من حفظة القران
لا تستطيع كتابة مواضيع جديدة في هذا المنتدى لا تستطيع كتابة ردود في هذا المنتدى لا تستطيع تعديل مشاركاتك في هذا المنتدى لا تستطيع حذف مشاركاتك في هذا المنتدى لا تستطيع إرفاق ملف في هذا المنتدى
