الدرس(17):غرزة المروحة fan stitch

دورة تعلم الكروشيه من البداية وحتى الإحتراف

بسم الله الرحمن الرحيم

(1)

غرزة مروحة مكونه من 5 غرز عمود فى نفس الغرزة

ورمزها فى الباترون المرسوم

وشكلها كدا فى وسط الباترون

وتعالوا نشوف طريقة عملها

هنلف الخيط لفه حول الإبرة وهنفوت غرزتين بعد غرزة الحشو وندخل الإبرة فى الغرزة الثالثة
ملاحظة مهمة(الغرزتين اللى سبناهم دول عشان يعادلوا أول غرزتين عمود فى غرزة المروحه والغرزة الثالثة اللى دخلنا فيها وهنشتغل فيها غرزة المروحه دى تعادل ثالث عمود فى غرزة المروحه وبعد ما نخلص المروحه هنفوت غرزتين كمان وندخل فى الثالثة ودول هيعادلوا اخر عمودين فى المروحه)
لاننا فى غرزة المروحة بنشتغل فى غرزة واحدة وفى النهايه بنجد عندنا 5 غرز فلو ماسبناش المسافات دى هنلاقى ان الشغل بيزيد معانا وكمان شكل المروحه مش هيبقا مظبوط وهتبقا مكلكعه

والمسافت دى بتختلف على حسب عدد الغرز المكونه للمروحه فمثلا لو هنعمل مروحه من 7 عماويد يبقا هنسيب 3 غرز قبل المروحه ونشتغل فى الرابعه وبعدين هنسيب 3 غرز بعد المروحه وهكذا

على عكس الغرز اللى فاتت زى الفيشارة والمنتفخه والعنقود كنا بنشتغل فى غرزة واحده وفى النهايه بيتبقا عندنا غرزة واحده



هنلف الخيط لفه حول الإبرة ونسحبها خارج الغرزة (هنلاحظ وجود 3 لفات على الابرة)هنلف الخيط لفه حول الابرة ونسحبها من خلال اول لفتين على الابرة(هيتبقا لفتين على الابرة)هنلف الخيط لفه حول الابرة ونسحبها من خلال اللفتين الموجودين على الابرة(بكدا نكون عملنا اول غرزة عمود)



هنكرر الخطوه السابقه 4 مرات كمان فى نفس الغرزة (يعنى هنشتغل فى المجمل 5 غرز عمود فى نفس الغرزة)



وبكدا تكون إتكونت عندنا غرزة مروحة ونكمل السطر كما فى الباترون هنفوت سلسلتين ونشتغل غرزة حشو فى السلسلة التالية ثم نفوت سلسلتين ونشتغل غرزة مروحه فى الغرزة التاليه



ملاحظة:غرزة المروحة هنلاحظ انها نفس خطوات غرزة الفيشارة ولكن فى المروحه مابنقفلش الغرزة ولكن بنكمل السطر عادى من غير مانقفل الغرزة

ملاحظة أخرى :يجب ان تكون هناك مسافه كافية بين المروحة والأخرى عشان تااخد راحتها وشكلها يبان وهذه المسافه تختلف من باترون الى اخر

وده شكل غرزة المروحة المكونه من 5 غرز عمود فى نفس الغرزة



.................

يتبع إن شاء الله

دورة تعلم الكروشيه من البداية وحتى الإحتراف

بسم الله الرحمن الرحيم

(2)

غرزة مروحة مكونه من 5غرز عمود فى نفس الفراغ

وده رمزها فى الباترون المرسوم

وده شكلها وسط الباترون

وطريقة عملها نفس طريقة عمل المروحه بخمس عماويد فى نفس الغرزة ولكن بدلا من شغل العماويد فى الغرزة هنشتغلهم فى الفراغ

كما فى الرسم التوضيحى التالى









وده شكل غرزة المروحة المكونه من 5عمود فى نفس الفراغ



..................

وبكدا نبقا خلصنا درس غرزة المروحة

وإنتظرونى فى الدرس القادم واللى هتكلم فيه عن غرزة الصدفه واللى شكلها قريب جدا من المروحه

فى أمان الله

دورة تعلم الكروشيه من البداية وحتى الإحتراف

دورة تعلم الكروشيه من البداية وحتى الإحتراف

دورة تعلم الكروشيه من البداية وحتى الإحتراف

دورة تعلم الكروشيه من البداية وحتى الإحتراف