امل محمد كتب:
اهلا بيكي اختي الكريمة الدرس انهاردة سهل وجميل وانا بطبق وانا بشوف الدرس وكان التطبيق زي الرسم انا بدور علي طريقة اوريكي بيهاتطبيقي في الدورة وان شاء الله عن قريب هتشوفيه
ملحوظة انا مش بعتب عليكي في طول الدرس انابس كنت باقول ان الشرح واضح مع انه كتير وده علشان انتي بتشرحي حلو جدا ومش بتسيبي اي تفصيلة فشكرا جدا ليكي .
عندي سؤال في درس اليوم وهو ان شكل غرزة العنقود في الباترون قريب جدا من شكل الغرزة المنتفخة هل الفرق ان الغرزة المنتفخة تتكون من غرزة نصف عمود فقط وان غرزة العنقود تتكون من غرزة عمود او غرزة عمود ثلاثية ولا الغرزة المنتفخة ممكن تتكون من غرزة عمود او عمود ثلاثية وفي الحالة دي هافرق بينهم ازاي وشكرا
أهلا وسهلا بكى امل
وان شاء الله اشوف تطبيقاتك قريبا بإذن الله
وشكرا على كلامك الجميل وذوقك وربنا يوفقك
بالنسبه للفرق بين غرزة العنقود والغرزة المنتفخة هوا زى ماقولتى بالضبط
ان الغرزة المنتفخه بنشتغلها بغرزة النصف عمود فقط
بينما غرزة العنقود بنشتغلها بغرزة العمود او العمود الثلاثى او الرباعى او الخماسى ولكن لا نشتغلها بغرزة النصف عمود
ايضا هناك فرق يتضح فى الشغل ان الغرزة المنتفخه ليها بروز وانتفاخ
بينما غرزة العنقود بتبقا مبططه وليس لها بروز او انتفاخ
وأى إستفسار أنا تحت أمرك
