وطببعا عرفنا خلاص إننا لازم نعمل اول سطر من غرزة السلسلة ولنفترض إننا هنعمل 11 سلسلة
عشان نشتغل السطر التانى غرزة العمود لازم الأول نشتغل 3 سلاسل إضافية واللى هيكونوا إرتفاع لغرزة العمود ليصبح عدد غرز السلسلة عندنا 14
وكقاعدة غرزة العمود=إرتفاع 3 سلسلة
هنلف الخيط حول الإبرة من الخلف إلى الأمام
وندخل الإبرة فى منتصف السلسلة رقم 4 من الأمام إلى الخلف
ونلف الخيط حول الإبرة كمان لفه
هنمرر الخيط بالابرة من السلسلة رقم 4
هنلاحظ تكون 3 لفات على الإبرة
هنلف الخيط حول الإبرة
ونمرر الخيط بالإبرة من خلالل اول لفتين موجودين على الإبرة
أصبح عندنا لفتين على الإبرة
هنلف الخيط حول الإبرة
ونمرر الخيط بالإبرة من خلال اللفتين الموجودين على الإبرة
وبكدا أصبح عندنا أول غرزة عمود أو غرزة بريد Double crochet
..............................
وده رسم توضيحى أخر يوضح نفس الغرزة
ولعمل غرزة البريد التانيه هنلف الخيط حول الإبرة وندخل الإبرة فى غرزة السلسلة التاليه ونكرر نفس الخطوات السابقه
.................................
وهذا أيضا رسم توضيحى اخر
زى ماواضح فى الصورة عندنا 14 سلسلة =11 سلسلة +3 سلاسل إرتفاع
وهنكمل السطر بعمل غرزة عمود فى كل غرزة سلسلة حتى نهاية السطر ويجب فى النهاية ان نحصل على 12 غرزة عامودوليس 11غرزة كما بدأناهم(لأننا بنحسب الثلاث غرز الإرتفاع كأنهم أول غرزة عمود)
ولعمل السطر التانى من غرزة العمود يجب أولا شغل 3 غرز سلسلة كإرتفاع لغرزة العمود ****وملاحظه هامه عند عمل اول غرزة عمود فى السطر التانى هنفوت 3غرز سلاسل اللى هما غرز الإرتفاع وكمان هنفوت اول غرزة بريد وندخل الإبرة فى غرزة البريد التالية
وده شكل يوضح المكان الخطأ فى دخول الإبرة وهيا اول غرزة بريد
وده شكل يوضح المكان الصحيح فى دخول الإبرة وهيا تانى غرزة بريد
طيب هنسأل نفسنا ليه بنفوت اول غرزة بريد وندخل فى الغرزة التانيه؟ لأننا لو إشتغلنا فى أول غرزة بريد هنلاحظ زيادة عدد الغرز تدريجيا مع زيادة عدد السطور والشغل يوسع مننا كلما طلعنا فوق لذلك ببنفوت الغرزة دى فى ببدايه كل سطر جديد
ولازم بعد مانعمل كل سطر ونخلصه لازم نعد عدد الغرز اللى عندنا واللى يجب ان يكونوا 12 غرزة فى كل سطر
_فى نهاية السطر التانى وايضا فى نهاية كل سطر بعد كدا ناخد بالنا اننا هنشتغل غرزة بريد فى اخر غرزة سلسلة من سلاسل الارتفاع بتوع السطر اللى فات(واللى حسبناها كانها اول غرزة بريد فى السطر اللى فات)
كما موضح فى هذه الصور
وده الشكل النهائى للعينه بعد ماعملنا 6 سطور
وده شكل اخر لنفس الغرزة
وبكدا ياجماعة نبقا خلصنا شرح الدرس بحمد الله
أتمنى يكون الشرح واضح واى استفسار انا موجودة
التطبيق على هذا الدرس هوا
row1: ch 10 ,3 ch, turn row2: (1 dc in the next st) repeat 4 times
لا تستطيع كتابة مواضيع جديدة في هذا المنتدى لا تستطيع كتابة ردود في هذا المنتدى لا تستطيع تعديل مشاركاتك في هذا المنتدى لا تستطيع حذف مشاركاتك في هذا المنتدى لا تستطيع إرفاق ملف في هذا المنتدى
