الدرس الرابع:غرزة السلسلة chain stitch

بسم الله الرحمن الرحيم

الدرس الرابع

غرزة السلسلة

والبعض يطلق عليها الغرزة الطايرة عندما تكون فى نصف العمل

تعرف بالإنجليزية بإسم chain stitch

وإختصارها فى الباترون المكتوب ch

ورمزها فى الباترونات المرسومه

وهذا الشكل يعنى إشتغلى 4 سلاسل

تعتبر غرزة السلسلة هيا أساس أى عمل من الكروشيه

فيجب عمل أول سطر من غرزة السلسلة

وهيا أسهل وأسرع غرزة فى شغل الكروشيه

تعالوا نشوف هنعملها إزاى

أولا لازم نعمل عقدة البدايه زى ماشرحنا فى الدرس ده
الدرس الثالث:طريقة عمل عقدة البدايه slip knot




هنلف الخيط حول إبرة الكروشيه عكس عقارب الساعة كما فى الرسم




هنجعل الخيط فوق إبرة الكروشيه من الخلف إلى الأمام




ثم إسحبى الخيط بالإبرة من خلال فتحة البداية




وهكذا تتكون أول غرزة سلسلة




ولعمل غرزة سلسلة أخرى هنلف الخيط حول الإبرة بنفس الطريقة ونسحبها من خلال اللفة الموجودة على الإبرة وهكذا ونستمر فى عمل الغرز حسب العدد المطلوب فى الباترون



كما واضح فى الرسم السابق تم عد غرز السلسلة وتجاهلنا عقدة البداية واللفة اللى مازالت موجودة على الإبرة


ده شكل غرزة السلسلة من الأمام شكل الضفيرة
وواضح فى الصورة ان السلسلة من الامام تتكون من خيطين (علوى وهوا اللى ناحية راس الابرة ,وأخر سفلى )



وده شكل الغرزة من الخلف هنلاحظ وجود خط فى منتصف السلاسل يسمى Back ridge or bump



إذن هنلاحظ ان كل غرزة سلسلة تتكون من 3خيوط =خيط امامى علوى(يسمى front loop)+خيط امامى سفلى+خيط خلفى(يسمىback loop)

طيب عاوزين نعرف اما نيجى نشتغل غرزة جديده فوق غرزة السلسلة هندخل الابرة فين بالضبط؟

عند عمل غرزة جديدة فوق السلسلة هندخل الابرة تحت الخيط الامامى العلوى (front loop)والخيط الخلفى(back loop)

كما واضح فى الرسم التالى



وقد يطلب منا فى الباترون ادخال الابرة فى front loop فقط



او فى back loop فقط



وهذا رسم يوضح الاماكن الثلاثة






............................................
....................................
.............................
.....................

وبكدا نبقا إنتهينا من شرح غرزة السلسلة

والمطلوب للتطبيق العملى عمل سطر يتكون من 10 غرزة السلسلة

أتمنى يكون الدرس واضح

وإنتظرونى بإذن الله فى الدرس القادم من دروس أساسيات الكروشيه

يسلملى مرورك الغالى ونورتى الموضوع والمنتدى كله فلة 3

اهلا وسهلا وحده واقفه نورتى الدورة

بسم الله ماشاء الله تطبيق رائع

تسلم الايادى وفى انتظار تطبيقاتك لباقى الدروس واى استفسار انا تحت امرك

اهلا بيكى rowella87

منورة الورشه

انا شايفه ان اختياراتك حلوة القطن كويس جدا ومقاس الابرة حلو ومناسب مش كبير ولا صغير

ممكن تجربى الصوف وماتستعجليش لو مبتداه لان الشغل عاوز ممارسه

واى استفسار انا تحت امرك وبالتوفيق ان شاء الله

برافو عليكى يازهره

بالنسبة للجزئية بتاعه تدخيل الابره لو هنعمل غرزه بعد السلسله

انا اقصد لما نيجى نشتغل سطر جديد فوق السلسلة بوضح هندخل الابرة فى اى جزء من السلسلة

ولاقيت خلال بحثى ان فيه كذا مكان ممكن ندخل فيه الابرة لعمل غرز السطر الجديد

والمكان ده اللى بيحدده الباترون اللى هنشتغل عليه فكل باترون ليه اسلوب

والاماكن الثلاثة زى ماوضحت فى الرسمه



اما تحت الخيط الخلفى بس
او تحت الخيط الامامى بس
او من تحت الخيطين الامامى والخلفى

وعشان تعرفى الاماكن الثلاثه كان لازم تعرفى السلسلة بتتكون من كام خيط اصلا وده اللى وضحته فى الجزئية دى


ده شكل غرزة السلسلة من الأمام شكل الضفيرة
وواضح فى الصورة ان السلسلة من الامام تتكون من خيطين (علوى وهوا اللى ناحية راس الابرة ,وأخر سفلى )



وده شكل الغرزة من الخلف هنلاحظ وجود خط فى منتصف السلاسل يسمى Back ridge or bump



اتمنى تكون الصورة وضحت ولو ماوضحتش قوليلى وانا اشرحهالك بطريقه مختلفه ونتناقش سوا