هذه الغرزة أطول قليلا من غرزة العمود double crochet
وتعالوا نشوف بنعمل الغرزة دى إزاى
أولا هنعمل السطر الأول غرزة السلسلة وليكن 11 سلسلة
لعمل السطر التانى من غرزة العمود الثلاثية يجب عمل 4 غرز سلسلة إضافيين كإرتفاع لغرزة العمود الثلاثية فيصبح عدد السلاسل 15 سلسلة=11 سلسلة +4 سلسلة إرتفاع
إذن كقاعدة
غرزة العمود الثلاثية=إرتفاع 4 سلسلة
هنلف الخيط حول إبرة الكروشيه لفتين
هندخل الإبرة فى منتصف خامس سلسلة من الأمام إلى الخلف
هنلف لفه حول الإبرة ونمررها من خلال السلسلة الخامسه
هنلاحظ وجود 4 لفات على إبرة الكروشيه
هنلف لفه حول الإبرة
ونسحب الإبرة من خللال اول لفتين على الإبرة
هيتفضل عندنا 3 لفات على إبرة الكروشيه
هنلف لفه حول الإبرة
ونسحب الإبره من خلال اول لفتين على الإبرة
هيتفضل عندنا لفتين على الإبرة
هنلف لفه حول الإبرة
هنسحب الإبرة من خلال اللفتين المودجودين على الإبرة
عنوان المشاركة: Re: الدرس(8):غرزة العمود الثلاثية(البريد الثلاثية)Treple cro
مرسل: الأحد مايو 29, 2011 11:00 am
مراقب عام
اشترك في: الاثنين إبريل 05, 2010 7:23 pm
مشاركات: 13047
مكان: المنصورة
وهنا رسم توضيحى لنفس الخطوات السابقه
لعمل الغرزة التاليه هنلف الخيط حول إبرة الكروشيه لفتين وندخلها فى غرزة السلسلة التاليه ونكرر العمليه السابقه
ونكمل باقى السطر هكذا بعمل غرزة عمود ثلاثيه فى كل غرزة سلسلة حتى نهاية السطر
سيصبح عندنا عدد الغرز 12 غرزة (وليس 11 كما بدأناهم) ويجب ان يكون العدد هكذا فى كل السطور التاليه وذلك لاننا حسبنا غرز الإرتفاع الأربعه كأنهم أول غرزة عمود ثلاثيه
ولبداية سطر جديد هنشتغل 4 غرز سلسلة كإرتفاع لغرزة العمود الثلاية ونلف الخيط حول الإبرة لفتين ونفوت الأربع غرز بتوع الإرتفاع وايضا هنفوت اول غرزة عمود ثلاثية وندخل الإبرة فى غرزة العمود التانية وقلنا بنفوت اول غرزة فى بدايه كل سطر عشان الشغل مايوسعش مننا لاننا لو اشتغلنا اول غرزة هنلاقى عدد الغرز بيزيد معانا تدريجيا
وده شكل غرزة العمود الثلاثية بعد ما إشتغلنا 6 سطور
وده شكل اخر لنفس الغرزة
................................
وبكدا نكون خلصنا درس النهاردة وأتمنى الشرح يكون واضح
وأى سؤال أنا فى الخدمه
إلى لقاء فى درس جديد بإذن الله تعالى
التطبيق على هذا الدرس هوا
row1: ch 10 ,4 ch, turn row2: (1 tr in the next st) repeat 4 times
لا تستطيع كتابة مواضيع جديدة في هذا المنتدى لا تستطيع كتابة ردود في هذا المنتدى لا تستطيع تعديل مشاركاتك في هذا المنتدى لا تستطيع حذف مشاركاتك في هذا المنتدى لا تستطيع إرفاق ملف في هذا المنتدى
