توب تريكو بجوانب بليسيه بالشرح والباترون

بسم الله الرحمن الرحيم

توب تريكو بجوانب بليسيه جميل جدا أتمنى يعجبكوا

ده شكل التوب






شرح التوب



المقاس:S_M_L
المواد المستخدمة:300_300_350 جرام من الصوف
إبر تريكو مدببة مقاس 4مللى و5مللى
إبرة تريكو دائرية قصيرة مقاس 4مللى(للكوله)

ملاحظة فى التزويد فى هذا الباترون:
التزويد بنعمله بعد 16 غرزة اللى فى الجوانب *غرزة حافه,11بليسيه(2ع,2م),4ع*
التزيد بعمل لفتين وفى السطر التالى هنسلت لفة ونشتغل اللفه التانيه مقلوب

ملاحظة فى التنقيص فى هذا الباترون:
التنقيص بنعمله فى الباترون ده عشان حردة الباط
التنقيص بنعمله بعد 6 غرز اللى بنشتغلهم كدا*2غرزة طوق,2ع,2م *
لوهنقص بعد ال6 غرز دول:هنسلت غرزة كاننا هنشتغلها عدل ,1ع,هنمرر الغرزة المسلوته فوق الغرزة العدله
لو هنقص قبل ال6 غرز دول:2ع معا



شرح الباترون:
الجزء الأمامى:
هنبدأ ب 66_74_82 غرزة (بما فيهم غرزة حافه من كل جانب) على سنارة 4مللى
هنشتغل 4 سطور كالتالى/غرزة حافة,1ع,(2م,2ع)وهنكرر مابين الأقواس وننهى السطر ب 2م,1ع,غرزة حافة

هنغير مقاس الابرة الى مقاس 5 مللى ونستمر فى العمل كالتالى/
غرزة حافه,11غرزة بليسيه(2ع,2م),غرزة القماشة,11غرزة بليسيه,غرزة حافه
عندما يصل الطول الى 7سم هنزود غرزة من كل جانب كل 8_8_10 سطور 4مرات
سيصبح عدد الغرز بعد جميع التزويدات=74_82_90 غرزة

حردة الكم:
عندما يصل الطول الى 30_31_32 سم هنشتغل سطرين غرزة الطوق فوق ال8غرز اللى فى كل جانب
فى السطر التالى هنقفل 6غرز من كل جانب
هنستمر فى تنقيص غرزة من كل جانب كل سطرين 2_4_8 مرات
ثم كل 4سطور7_7_6 مرات

الرقبة:

فى نفس الوقت عندما يصل الطول الى 42_44_46 سم هنضع ال16 غرزة اللى فى المنتصف على ماسك الغرز عشان الرقبه
هنستمر فى التقفيل ناحية الرقبه كل سطرين كالتالى/2غرزة___مرتين
1غرزة___مرة واحدة

بعد جميع التنقيصات عشان حردة الباط وحردة الرقبة سيصبح عدد الغرز=8_10_11 غرزة متبقين لكل كتف
هنستمر فى الباترون كما سبق حتى يصل الطول الى 48_50_52 سم ونقفل الشغل

الجزء الخلفى:زى الجزء الامامى ولكن عندما يصل الطول الى 46_48_50 سم هنقفل ال26 غرزة اللى فى المنتصف عشان حردة الرقبه
فى السطر التالى هنقفل غرزة كمان من كل جانب ناحية الرقبة
سيتبقى=8_10_11 غرزة لكل كتف
هنقفل الشغل عندما يصل الطول الى 48_50_52 سم

هنخيط جوانب البلوفر
الكوله:
هنلقط حوالى 70_80 غرزة حول الرقبة على الابرة الدائرية بما فيهم الغرز المسلوته على ماسك الغرز
هنشتغل سطر مقلوب وسطر عدل وفى نفس الوقت هنزود العدد الى 88_92_96 غرزة بالتساوى على مدار الرقبه
هنستمر فى شغل البليسيه(2ع,2م) حتى يصل الطول الى 9سم هنقفل الشغل



برجاء عند نقل الموضوع ذكر المصدر

منتدى لهلوبة

شكرا لوجودك مسترى وأتمنى يكون الموضوع عجبك

يسلملى ذوقك ياسوزان

اهلا وسهلا بكى اليرموك
شكرا لاستجابتك لطلبى للتواصل هنا بارك الله فيكى

هفترض معاكى انك بداتى العمل ب 66 غرزة
هتشتغلى 4 سطور على ابر 4مللى كالتالى
السطر الاول=غرزة حافة,1ع,(2م,2ع)وهنكرر مابين الأقواس وننهى السطر ب 2م,1ع,غرزة حافة
السطر الثانى=غرزة حافة,1م,(2ع,2م)وهنكرر مابين الاقواس وننهى السطر ب 2ع,1م,غرزة حافه
السطر الثالث=زى الاول
السطر الرابع=زى الثانى

غرزة الحافه هيا غرزة عدله بس بعد مابتخلصيها بتلفى الخيط لفه حول الابرة وترجعيه مكانه وبنعملها عشان نثبت الاطراف والشغل مايبرمش مننا

ثم هتبدلى الابر الى مقاس 5مللى وتشتغلى كالتالى
السطر الخامس=غرزة حافه,1ع,2م,2ع,2م,2ع,2م,42ع,2م,2ع,2م,2ع,2م,1ع,غرزة حافه
السطر السادس=غرزة حافة,1م,2ع,2م,2ع,2م,2ع,42م,2ع,2م,2ع,2م,2ع,1م,غرزة حافه

وهنكرر السطر الخامس والسادس حتى يصل الطول الى 7سم وهنبدا نزود كما فى الشرح

اتمنى تكون الصورة وضحت واى استفسار انا تحت امرك

بالنسبه للابر الدائريه هيا مستخدمه فى الكوله فقط وممكن تشتغليها بابر عاديه بس بعد ماتخلصيها هتخيطى الكوله من الجوانب