قفل الغرز فى التريكو - casting off - knitting binding off - الطرق المختلفة لقفل الغرز فى التريكو - انهاء العمل فى التريكو - تشطيب الشغل فى التريكو - انواع التقفيل فى التريكو - غرز تريكو - اساسيات تريكو - تريكو تعليمى - تريكو
قفل الغرز Casting Off / Binding Off اتعلمنا بالدروس اللى فاتت غرزتين اساسيتين فى شغل التريكو هما الغرزة العدلة و الغرزةالمقلوبة ولاحظتوا ان الاثنان نتيجة شغلهم الحالى واحد يعنى لو اشتغلتى عينة بالغرزة العدلة لمسافة 10 اسطر واشتغلتى عينة مماثلة بالغرزة المقلوب هتجدوا ان العينتان متماثلتان
الاختلاف فقط بيكون فى طريقة شغل كل غرزة كما شرحنا من قبل كل غرزة من الاثنان لها ناتج مختلف لكن مش هيبان غير لما نشرح انواع من الغرز المختلفة دعونا فقط عند هذا الان حيث انك تستطيعى غزل و حياكة قطعة من التريكو ولتصبح بالفعل قطعة مفيدة علينا تعلم طريقة تقفيل الغرز المفتوحة على الابرة لتصير بين يديك وتقفيل الغرز من اسهل ما يكون وله طرق عديدة اختارى اللى يريحك
أولا الطريقة الأساسية (Basic bind off)
قبل مانشرح الطريقة فى ملاحظة إننا لو عندنا الغرز عدل هنقفل عدل ولو مقلوب هنقفل مقلوب فى المثال الجاى هنشرح القفل العدل والقفل المقلوب هيبقا زيه بالضبط ولكن بالغرزة المقلوب
_هنشتغل أول غرزتين عدل عادى
_هندخل رأس الإبرة الشمال فى أول غرزة على الإبرة اليمين
_هنمرر الغرزة دى فوق الغرزة التانية اللى على السنارة اليمين هيتبقى على السنارة اليمين غرزة واحدة
_هنشتغل الغرزة التالية عدل فأصبح عندنا على السنارة اليمين غرزتين
_هنمرر الأولى فوق التانية ونستمر هكذا لحد مانقفل كل الغرز
ليتبقى لديكى غرزة واحدة على الابرة حاولى بالابرة تلقطى الخيط وتمرريه عبرها واقطعى الخيط وشديه بهدوء
عنوان المشاركة: Re: الطرق المختلفة لقفل الغرز لإنهاء العمل**Casting off**با
مرسل: الأربعاء مايو 12, 2010 6:26 pm
مراقب عام
اشترك في: الاثنين إبريل 05, 2010 7:23 pm
مشاركات: 13047
مكان: المنصورة
ثانيا القفل بإستخدام ثلاث إبر تريكو (Three Needle Bind Off)
الطريقة دى بنستخدمها فى القفل لما نكون عاوزين نوصل قطعتين مع بعض ,بتستخدم الطريقة دى فى قفل وتوصيل الأكتاف عشان نشبك الظهر مع الصدر .
هذه الطريقة ليست فقط إحدى طرق القفل ولكن تعتبر أيضا إحدى طرق التوصيل وبتترك شكل الوصلة أنيق ومنظم وذات وصلات قوية.
نأخد بالنا من جهة العمل وإحنا بنقفل ,يعنى لو القطعتين متقابلين فى إتجاه العمل الوصلة هتبان من جوا العمل ولو القطعتين متقابلين فى عكس إتجاه العمل يبقا الوصلة هتبان من خارج العمل.
المثال اللى هنشرحه ده القطعتين متقابلين فى عكس إتجاه العمل
_هنمسك القطعتين معا باليد الشمال ورأس السنارة متجهه غلى اليمين
_هندخل السنارة التالتة فى أول غرزة من كل قطعة
_هنشتغل غرزة عدلة ونسحب الخيط خلال الغرزتين اللى دخلنا فيهم الابرة التالتة
_بعد ما سحبنا الخيط هنسلت اول غرزة من كل قطعه من على السنانير بكدا يبقا إحنا قفلنا غرتين وخليناهم غرزة واحدة موجودة على السنارة اليمين
_هنكرر العملية اللى فاتت فهيصبح عندنا دلوقتى على السنارة اليمين غرزتين هنمرر الأولى فوق التانية
_هنستمر هكذا فى كل الغرز حتى يصبح عندنا غرزة واحده على السنارة اليمين هندخل طرف الخيط فيها ونشده بهدوء
من مميزات هذه الطريقه أنها تترك العمل نظيف ومرتب وتعطى للنهايه شكل الحبل المخفى فيعطى لمسه جماليه للعمل يمكن إستخدام هذه الطريقه فى نهاية الجواكت وأيضا فى حواف البطاطين وهنتعرف أكتر على إستخدامات الطريقه دى فيما بعد
نيجى دلوقتى لشرح طريقه النهايه دى
أول حاجه هننشأ 3 غرزفى بدايه السطر اللى هنقفله بإستخدام أى طريقه من طرق البدايه
بعد كدا هنشتغل أول غرزتين عدل ونسلت التالته على السناره من غير ما نشتغلها
هنشتغل الغرزة التاليه عدل ودلوقتى أصبح عندنا على السناره 4 غرز
بإستخدام راس السناره الشمال هنمرر الغرزه المسلوته فوق اخر غرزه اشتغلناها ودلوقتى اصبح عندنا على السناره 3 غرز
هنسلت الثلاث غرز دول ونرجعهم على السناره اليمين
وهنكرر الخطوات السابقه الى ان يتبقى عندنا 3 غرز هنقطع الخيط ونمرره من خلال الثلاث غرز دول
لا تستطيع كتابة مواضيع جديدة في هذا المنتدى لا تستطيع كتابة ردود في هذا المنتدى لا تستطيع تعديل مشاركاتك في هذا المنتدى لا تستطيع حذف مشاركاتك في هذا المنتدى لا تستطيع إرفاق ملف في هذا المنتدى
