الدرس الرابع تنقيص الغرز فى التريكو وطرقه المختلفهDecreasing

لمتابعة دورة تعلم التريكو الجديدة من هنا

التنقيص فى التريكو - الطرق المختلفة للتنقيص فى التريكو - knitting decrease - K2Tog - P2Tog - SKP - SSK - SSP - Double decrease - التنقيص ناحية الشمال - التنقيص ناحية اليمين - غرز تريكو - تريكو تعليمى - اساسيات تريكو - باترونات تريكو - تريكو

بسم الله الرحمن الرحيم

سنبدأبإذن الله شرح التنقيص فى التريكو وطرقه المختلفة

Decreasing in knitting

_ما المقصود من تنقيص الغرز فى التريكو؟

التنقيص فى التريكو يعنى تقليل عدد غرز التريكو الموجودة على السنارة والهدف من التنقيص غالبا هوا تحديد شكل الشغل كعمل مثلا حردة الكم او عمل حردة الرقبة او عمل تجسيم للوسط وهكذا ..........

_تنقسم طرق التنقيص إلى قسمين فهناك طرق تجعل العمل يميل إلى اليمين وتسمى right slanting وهناك طرق تجعل العمل يميل إلى الشمال وتسمى left slanting وعندما نتطرق لكل طريقة سنشرح إلى اى قسم تنتمى



_هناك عدة طرق للتنقيص فى التريكو سنشرح كل طريقة على حده بإذن الله

K2Tog

P2Tog

SKP

SSK

SSP

Double decrease

دى إختصارات لطرق التنقيص اللى هنتكلم عنها وهنشرح معنى كل اختصار وشكله فى الباترون

تابعوا معى

شكرا لوجودك سوزان وان شاء الله ابدا بشرح التنقيص فى اقرب وقت ممكن باذن الله

ان شاء الله ابدأ بالشرح غدا تابعونى

شكرا للتفاعل شيرى

بعتذر ياجماعة عن التاخير فى تكملة الشرح

ونبدأ دلوقتى على طول فى شرح أول طريقة من طرق التنقيص فى التريكو وهيا

K2Tog

وهياإختصار لكلمة knit two together وتعنى بالعربى هنشتغل غرزتين عدل معا

_وبيبقا رمزها فى الباترونات بالشكل ده


_وفى هذه الطريقة بنشتغل غرزتين تريكو ليصبحوا غرزة واحدة مما يؤدى إلى نقص فى عدد الغرز الموجوده على السنارة عندنا

_هذه الطريقه من التنقيص يجعل العمل يميل الى اليمين ولذلك توجد ملاحظه هامه وهيا إذا كنا نقوم بالتنقيص على جانبى العمل كمثلا التنقيص لعمل حردة الباط سنستخدم هذه الطريقة للتنقيص من ناحية الشمال للعمل اما الناحيه اليمين من العمل فسنستخدم طريقة تنقيص يميل فيها العمل الى الشمال كطريقة ssk اللى هنشرحها فيما بعد

_إزاى ننقص بالطريقة دى

هندخل السنارة اليمين داخل غرزتين من الشمال الى اليمين كأننا هنشتغلهم عدل



ونكمل كأننا بالظبط بنشتغل غرزة عدله هنلاحظ فى الصورة ان اتجاه التنقيص مال الى اليمين واصبح عندنا فى النهاية غرزة واحدة بدلا من غرزتين



ودى بعض الصور بتشرح نفس الطريقة من التنقيص



ده شكل العمل وواضح الغرزة اللى نقصناها وما بتبنش كويس الا اما نشتغل سطرين فوقيها



ده شكل تانى يوضح الطريقة




وده شكل أخر لنفس الطريقة




وهذه الطريقة من التنقيص يمكن عملها بإدخال السنارة اليمين فى الجزء الخلفى من الغرزتين اللى على السنارة الشمال وشغلهم عدل كأنهم غرزة واحده كما فى الصورة التاليه والطريقة دى إختصارها فى الإنجليزية k2tog tbl وتعنىKnit two stitches together through back of loop
وتعنى هنشتغل غرزتين عدل معا من خلال الجزء الخلفى للغرزة



وهنسترجع مع بعض الفرق بين الجزء الامامى والجزء الخلفى للغرزة كما فى الصورة التاليه








وبكدا نبقا خلصنا شرح اول طريقة للتنقيص فى التريكو ويارب يكون الشرح واضح

ونلتقى غدا بإذن الله لنكمل باقى الشرح

جزانا وإياكى suzan وان شاء الله هكمل الشرح ويارب الكل يستفيد

اهلا وسهلا بك مشرفتنا الغاليه وشكرا على التشجيع

وان شاء الله اكمل الشرح قريبا