تفصيل بنطلون حمل بالباترون والشرح من بوردا مع تطبيقى

بنطلون حمل - باترون بنطلون حمل - تفصيل بنطلون حمل - خياطة بنطلون حمل - باترون مجانى - طريقة عمل بنطلون حمل - تفصيل وخياطه

بسم الله الرحمن الرحيم

كل عام وانتم طيبين ورمضان مبارك على الكل

طبعا ان شاء الله داخلين على عيد وعلى افراح كتير بإذن الله

وانا كنت فصلت طقم سواريه تونك وبنطلون للحوامل عشان احضر بيه الافراح وانا حامل

وده لينك الفست او التونك

تفصيل فست سواريه من بوردا(تطبيقى مع الشرح)

وده لينك تطريز الطقم بالخرز

تطريز فست وبودى وطرحه بالخرز والكرستالات من اعمالى

ودورت كتير على باترون لبنطلون حمل يشبه البنطلون الجينز الجاهز اللى عندى وده شكله وفكرته ان فيه دوران عند البطن بقماشه بتمط واستك عريض فى الكمر عشان يمسك من فوق البطن



ملقتش غير فى عدد بوردا قديم جدا عدد فبراير سنه 1983

وده شكل الموديل رقم 161 فى الجنب تحت مش باين تفاصيله قوى وهو ملبوس زى الرسم التخطيطى




وحبيت ارفعلكوا الباترون بالشرح بتاعه عشان الكل يستفيد منه

_مقاس بوردا 40_42
_طول الأرجل الخارجى =107 سم
_المواد المطلوبة:قماش كريتون طول 120 سم وعرض 150 سم/وصلة استيك عشان الوصلة الامامية/استك عراوى طول 110سم وعرض 2سم/زرار

ده شكل تخطيطى للبنطلون من الامام ومن الخلف



_التفصيل:
قطع الباترون عبارة عن 3 قطع 18 و19 و20
مرسومة بالخط الاسمر على صفحة الباترون D وان شاء الله فى اخر الموضوع هضع الصفحه اللى موجود عليها الباترون
وده شكل القطع اللى هنشفها من على صفحة الباترون



القطعه رقم 18=القسم الامامى مرتين
القطعه رقم 19=الوصلة الامامية مرة على الثنية
القطعة رقم 20=القسم الخلفى مرتين

ضعى قطع الباترون على القماش كما يلى



وقصيها مع اضافه زيادة الخياطة والثنى
قصى القطعه 19 من الوصلة الاستيك
اقفلى خياطة داخل الارجل وتحت الارجل
خيطى الوصلة الامامية فى القسم الامامى
إقفلى خياطة الجوانب
إثنى الكنار العلوى الى الداخل على خط الثنى واثنى الحافه المقصوصة وخيطيها فى موضعها حيث العلامات لعمل مجرى الاستيك
ادخلى الاستيك (افتقى قطعه من الخياطه من الجانب الايسر)
خيطى نهايات الاستيك فى القسم الخلفى بشكل x بقرب الجانب وخيطى زرارا فى الجانب للتوسيع والتضيق بحسب المقاس
إثنى الذيل

.....................

يتبع ان شاء الله

ودى صفحة الباترون اللى موجود عليها الموديل للى حابة تنفذه ماعليكى غير طباعته وتجميعه وابداى فى شفه والتفصيل













..............

يتبع ان شاء الله

..................

يتبع ان شاء الله

وتعالوا دلوقتى نشوف تطبيقى للبنطلون

الاول اقولكوا ازاى شفيت قطع الباترون من على صفحة الباترون

الادوات
هنجيب ورق كربون وورق جرنال ومسطرة وقلم



هنضع ورقه الجرنال



ثم نضع فوقها ورق الكاربون





ثم نضع صفحة الباترون فوق الاتنين



ونبدأ نمشى على خط الباترون بالمسطرة والقلم ولو فيه جزء مش مستقيم هنرسمه بالايد





وناخد بالنا من الارقام الصغيرة والاسهم والعلامات اللى موجودة فى الرسم الصغير لازم ننقلها واحنا بننقل قطع الباترون





بعد مانسخنا القطع على الجرنال هنقص ورق الجرنال على قد القطع المنسوخه للحصول على قطع الباترون





ونكتب على كل قطعه هيا بتاعة ايه



دى القطعه الخلفيه



ودى الوصلة الامامية



ودى القطعه الامامية



ودى كل القطع



...............

يتبع ان شاء الله

انا جبت قماش ستان استرتش متر ونصف لانى طبعا بعمل البنطلون ده لطقم سواريه

جوزت القماشة على الطربيزة



بحيث ان وش القماش يبقا مواجه لبعضه



ودبست طرفى القماشة ببعضه بدبابيس المكتب عشان ماتتزحلقش



ووضعت قطع الباترون على القماشة كما موضح فى بسطة الباترون مع ملاحظة ان اتجاه الاسهم اللى على القطع يكون مواز لاتجاه القماشة





هندبس القطع على القماشه بدبابيس المكتب



ونبدا نقص القماش مع ترك مسافه للخياطه والوصلات







وده شكل القطع بعد القص



................

يتبع ان شاء الله

بتطبيق خطوات الخياطه اللى شرحتها فى اول الموضوع

هسرج الاول القطع فى بعضها واقيسها





وبعد كدا اخيط القطع على ماكينه الخياطة



ونقص الزيادات اللى فى الجوانب ونسرجها





وده شكل البنطلون النهائى





ودى شكل الوصلة الامامية من قريب



وده شكل الاستيك



.....................

وبكدا تم بحمد الله الانتهاء من الموضوع

اتمنى يعجبكم وتستفيدوا منه

واى استفسار انا تحت امركم

شكرا لذوقك وحده واقفه

نورتينى ونورتى الدنيا كلها

تسلميلى ويسلملى ذوقك