البداية فى التريكو ( سطر البداية أو الدرب التحضيرى )
تعرف بالإنجليزية بإسم
Casting on
* أى عمل تريكو يجب أن يكون له بداية
* والبداية فى التريكو ببساطة تعنى كيف نضع الغرز على إبرة التريكو حتى نبدأ العمل
* هناك طرق كثيرة ومتعدده لبداية التريكو سوف نشرح كل طريقة بالتفصيل إن شاء الله فى المستوى الثانى للمحترفين
* ولكن فى هذا الدرس بإذن الله سوف نشرح طريقة واحدة فقط لبداية التريكو بالنسبة للمبتدئين
* طريقة البداية التى سنشرحها اليوم تسمى
((طريقة الغرزة البسيطة))
وهذه الطريقة لها أكثر من إسم باللغة الإنجليزية فهى تعرف ب
Loop Cast on أو E_Loop Cast on أو Backward loop Cast on أو Wrap Cast on أو E-Wrap Cast on أو Single Cast on أو Thumb Cast on أو Basic Cast on
أنا بعرفكم المصطلحات الإنجليزية مش للعلم بالشئ وخلاص ولكن مهم إنكم تعرفوا المصطلحات دى علشان لو فى باترون طلب إنك تبدأى التريكو بطريقة معينة تبقى عارفة هو يقصد أى طريقة من طرق البدايات
..........
* هذه الطريقة من أبسط وأسرع الطرق لبداية التريكو وهيا مناسبة جدا للمبتدئين اللى أول مرة يشتغلوا تريكو
* ولكن هذه الطريقة ليست الطريقة المثلى للبداية لأن لها عيوب وهيا 1/ رغم سهولة عمل هذه الطريقة إلا أنها تجعل عمل أول سطر صعب نوعا ما 2/ هذه الطريقة تجعل حافة العمل غير متناسقة والغرز فى أول سطر تكون غير متساوية بعكس باقى طرق البداية
**** ولكن مش علشان الطريقة دى ليها عيوب يبقا مانتعلمهاش بالعكس إحنا لازم نتعلمها سواء كنا مبتدئين أو محترفين لأن هذه الطريقة من البداية ليها إستخدامات أخرى غير إنك تبدأى بيها التريكو زى مثلا بنستخدمها فى عمل عروة الزراير وكمان بنستخدمها فى عمل إصبع الجوانتى وكمان بنستخدمها فى تزويد أكثر من غرزة فى وسط الشغل والكلام ده مش وقته ولكن هنشرحه بتفصيل أكثر فى المستوى الثانى للمحترفين بس حبيت أقوله هنا علشان مافيش حد يقول طالما الطريقة دى ليها عيوب يبقا مش هتعلمها
عنوان المشاركة: Re: الدرس(5):البداية فى التريكو للمبتدئين casting on
مرسل: الأحد مارس 23, 2014 5:28 pm
مراقب عام
اشترك في: الاثنين إبريل 05, 2010 7:23 pm
مشاركات: 13047
مكان: المنصورة
(( خطوات العمل))
(1) هنقوم بعمل عقدة البداية مع ترك حوالى 10 سم فقط من ذيل الخيط أو طرف الخيط الحر كما شرحنا فى الدرس السابق
(2) هنمسك الإبرة وذيل الخيط معا باليد اليمنى وهنمسك الخيط المتصل بالبكرة (ويسمى خيط الشغل) بقبضة اليد اليسرى فيما عدا إصبع الإبهام كما فى الصورة
(3) هنلف خيط الشغل حول إصبع الإبهام الأيسر من الخلف إلى الأمام بحيث تتكون لفه حول إصبع الإبهام الأيسر كما فى الصورة
(4) هندخل طرف الإبرة فى أسفل اللفة حول الإبهام
(5) هنسلت إصبع الإبهام خارج اللفة تاركا اللفة على الإبرة ثم هنشد خيط الشغل بلطف بإستخدام اليد اليسرى حتى تصبح اللفة أو الغرزة محكمة حول الإبرة (ولكن لا نشد الخيط بقوة حتى لاتصبح الغرز ضيقة وبالتالى تكون صعبة فى شغلها فى السطر التالى لذلك يجب أن تكون الغرز تتحرك بحرية على الإبرة)
وبذلك نكون قد صنعنا غرزة
* سوف نكرر الخطوات السابقة حتى نحصل على عدد الغرز المطلوب ولنفترض أن المطلوب هو البدء بعمل 10 غرز (مع الوضع فى الإعتبار أن غرزة البداية تحسب كغرزة إذن المطلوب هو عمل الخطوات السابقة 9 مرات + غرزة البداية = 10 غرز)
ومن المهم أيضا الحفاظ على كل الغرز أن تكون متجهه إلى الأعلى وعدم السماح لها بالإلتفاف وإلا سيكون من الصعب جدا شغلها فى السطر التالى
..........
وهنا فيديو يوضح طريقة البداية فى التريكو بإستخدام طريقة الغرزة البسيطة
عنوان المشاركة: Re: الدرس(5):البداية فى التريكو للمبتدئين casting on
مرسل: الأحد مارس 23, 2014 7:38 pm
عضو فعال
اشترك في: الجمعة يوليو 19, 2013 6:15 pm
مشاركات: 277
مع ان الدروس في مستوى المبتدئين يعتبر بالنسبالي فهماه بس فعلا ببقى متشوقة اني اشوف الدرس عشان اشوف اذا انا ماشية صح ولا لا لأنه اوقات كتيرة اوي ببقى فاكرة اني فاهمة لكن اتفاجأ في فيديو صدفة اني كنت فاهمة الموضوع غلط وانا مع اني ما بستخدمش الطريقة دي في البداية لأني لاحظت انها وحشة بس اول مرة اعرف التفاصيل بتاعت سلبياتها وايجابيتها شكرا يا لولو
عنوان المشاركة: Re: الدرس(5):البداية فى التريكو للمبتدئين casting on
مرسل: الأحد مارس 23, 2014 8:28 pm
مراقب عام
اشترك في: الاثنين إبريل 05, 2010 7:23 pm
مشاركات: 13047
مكان: المنصورة
lolo92 كتب:
مع ان الدروس في مستوى المبتدئين يعتبر بالنسبالي فهماه بس فعلا ببقى متشوقة اني اشوف الدرس عشان اشوف اذا انا ماشية صح ولا لا لأنه اوقات كتيرة اوي ببقى فاكرة اني فاهمة لكن اتفاجأ في فيديو صدفة اني كنت فاهمة الموضوع غلط وانا مع اني ما بستخدمش الطريقة دي في البداية لأني لاحظت انها وحشة بس اول مرة اعرف التفاصيل بتاعت سلبياتها وايجابيتها شكرا يا لولو
يسلم فمك حبيبتى ومافيش حد فينا كامل وكلنا بنتعلم وهنفضل نتعلم حتى يتوفانا الله شكرا ليكى وإنتظروا الفيديو إن شاء الله وأتمنى أعرف رأيكم فيه
لا تستطيع كتابة مواضيع جديدة في هذا المنتدى لا تستطيع كتابة ردود في هذا المنتدى لا تستطيع تعديل مشاركاتك في هذا المنتدى لا تستطيع حذف مشاركاتك في هذا المنتدى لا تستطيع إرفاق ملف في هذا المنتدى
