الدرس(15):الغرزة المنتفخه puff stitch

دورة تعلم الكروشيه من البداية وحتى الإحتراف

بسم الله الرحمن الرحيم

الغرزة المنتفخه من إسمها نعرف انها بتبقا منتفخه ويختلف حجمها على حسب عدد غرز النصف عمود المكونه لها فممكن نعملها بغرزتين او ثلاثه او اكثر حاجه اربع غرز

والغرزة المنتفخه بتبقا بارزة من أمام وخلف العمل يعنى بارزة من الناحيتين على عكس غرزة الفيشارة اللى بتبقا بارزة من ناحية واحده فقط

فى الدرس بتاعنا هنطبق الشرح على الغرزة المنتفخه المتكونه من 3 غرز نصف عمود

وعندنا 5 انواع من الغرزة المنتفخة ودول اشهر خمس انواع متواجده فى الباترونات هنشرح كل نوع بالتفصيل

........................

(1)

الغرزة المنتفخة المتكونه من 3 غرز نصف عمود فى نفس الغرزة

وبيكون رمزها فى الباترونات المرسومه

وشكلها كدا وسط الباترون المرسوم

وتعالوا نشوف بنعمل الغرزة دى إزاى بالصور

هنلف الخيط حول الإبرة وندخل الإبرة فى الغرزة المراد عمل المنتفخه فيها



هنلف الخيط حول الإبرة مره أخرى ونسحبها خارج الغرزة (هنلاحظ اننا بنعمل غرزة نصف عمود بس مش هنكملها)
ثم نكرر هذه الخطوه مرتين كمان
يعنى هنلف الخيط حول الإبرة مرة تانية وندخلها فى نفس الغرزة ثم نلف الخيط حول الابرة ونسحبها خارج الغرزة ثم نلف الخيط حول الابرة مرة ثالثة وندخلها فى نفس الغرزة ثم نلف الخيط حول الإبرة ونسحبها خارج الغرزة



هنلاحظ تكون 7 لفات على الإبرة(اللفه الأصلية الموجوده على الإبرة+لفتين لكل غرزة نصف عمود غير مكتملة)

هنقوم بلف الخيط على الإبرة وسحبها من خلال كل اللفات الموجودة على الإبرة



أصبح عندنا الأن غرزة منتفخة



ولعمل غرزة منتفخه أخرى هنشتغل غرزتين سلسلة كما فى الباترون المرسوم اللى فوق كمسافه بين المنتفخه والأخرى ثم نلف الخيط حول الإبرة ونشتغل كما سبق فى لغرزة المراد عمل المنتفخه بها

والمسافات بين المنتفخة والاخرى بتبقا حسب الباترون يعنى ممكن يكون سلسلة او اتنين او اكتر وممكن يكون من غير مسافات خالص (لايوجد قانون معين فى المسافات بين المنتفخات وبعضها)



وده شكل الغرزة المنتفخه المتكونه من 3 غرز نصف عمود فى غرزة واحده



.............................

يتبع إن شاء الله

دورة تعلم الكروشيه من البداية وحتى الإحتراف

بسم الله الرحمن الرحيم

(2)

الغرزة المنتفخه المتكونه من 3 غرز نصف عمود فى نفس الفراغ

رمزها فى الباترونات المرسومه بالشكل ده مفتوحه من تحت


وده شكلها وسط الباترون المرسوم

والمقصود فى نفس الفراغ اى فى الفراغات الموجوده بين الغرز وليس فى الغرزة نفسها

وطريقة عملها نفس طريقة عمل الغرزة المنتفخه المتكونه من 3 غرز نصف عمود فى نفس الغرزة ولكن بدلا من شغل غرز نصف العمود فى نفس الغرزة هنشتغلهم فى نفس الفراغ اللى بين الغرز

كما فى الرسم االتوضيحى التالى









وده شكل يوضح غرزة المنتفخه المكونه من 3 غرز نصف عمود فى نفس الفراغ



.........................

يتبع إن شاء الله

دورة تعلم الكروشيه من البداية وحتى الإحتراف

بسم الله الرحمن الرحيم

(3)

الغرزة المنتفخة المتكونه من 3 غرز نصف عمود والمنتهية بسلسلة فى نفس الغرزة

رمزها فى الباترون المرسوم

(هنلاحظ فى الرمز الدايرة الصغيرة ودى تمثل غرزة السلسلة)

ورمزها وسط الباترون المرسوم

وطريقة عملها نفس المنتفخه المكونه من 3 غرز نصف عمود فى نفس الغرزة ولكن بدلا من سحب الابرة من جميع اللفات الموجوده على الابرة هنسحب الإبرة من جميع اللفات ماعدا لفه واحده كما فى الرسم التالى



هنلاحظ ان تبقا عندنا لفتين على الإبرة هنلف الخيط حول الإبرة ونسحبها من خلال اللفتين الموجودين على الإبرة



وبكدا يبقا تكون عندنا غرزة منتفخه منتهيه بسلسلة



وده شكل للمنتفخه المكونه من 3 غرز نصف عمود ومنتهية بسلسلة فى نفس الغرزة



.........................

يتبع إن شاء الله

دورة تعلم الكروشيه من البداية وحتى الإحتراف

بسم الله الرحمن الرحيم

(4)

الغرزة المنتفخه المكونه من 3غرز نصف عمود ومنتهية بسلسلة فى نفس الفراغ

رمزها فى الباترون المرسوم تكون مففتوحه من تحت وبدايرة من فوق

ورمزها وسط الباترون المرسوم

وطريقة عملها نفس طريقة عمل الغرزة المنتفخه المكونه من 3 غرز نصف عمود ومنتهيه بسلسلة فى نفس الغرزة ولكن بدلا من عمل غرز النصف عمود فى نفس الغرزة هنشتغلهم فى نفس الفراغ

كما فى الرسم التوضيحى التالى









وده شكل الغرزة المنتفخه المكونه من 3 غرز نصف عمود ومنتهيه بسلسلة فى نفس الفراغ



..................

يتبع إن شاء الله

دورة تعلم الكروشيه من البداية وحتى الإحتراف

بسم الله الرحمن الرحيم

(5)

الغرزة المنتفخه المائلة المكونه من 3غرز نصفف عمود فى نفس الغرزة

ورمزها فى الباترون المرسوم

ونلاحظ وجود سهم على جنب لغرزة يمثل ميل الغرزة

وشكلها وسط البابترون المرسوم

وتعالو نشوف طريقة عملها بالصور

كما عرفنا ان الغرزة المنتفخه ارتفاعها يعادل إرتفاع غرزة النصف عمود اى= سلسلتين

والمنتفخه المائلة بنبدأها من أول السطر لذلك يجب ان نوسع اللفه الموجوده على الإبرة لكى تعادل إرتفاع سلسلتين حتى تناسب إرتفاع المنتفخه ويجعل سقوطها سهلا وتكون مائلة



هنلف الخيط حول الابرة وندخلها فى الغرزة المراد عمل المنتفخه فيها (وهيا فى الباترون السابق المطلوب عمل المنتفخه فى اول غرزة حشو) ونكرر اللفات ودخول وخروج الإبرة من الغرزة كما سبق وشرحنا فى الانواع السابقه من المنتفخه

طبعا هيكون عندنا 7 لفات على الابره هنلف لفه عى الابره ونسحبها من خلال جميع اللفات الموجوده على الابره



وبكدا يكون عملنا غرزة منتفخه مائلة

ولعمل الغرزة التاليه هنعمل ارتفاع سلسلة لغرزة الحشو ونشتغل غرزة الحشو ونوسع اللفه الموجوده عى الابرة ونكرر العمليه السابقه





وده شكل الغرزة المنتفخة المائلة



......................

وبكدا تم بحمد له الإنتهاء من شرح الغرزة المنتفخه

وإنتظرونى بإذن الله فى درس جديد

دورة تعلم الكروشيه من البداية وحتى الإحتراف

دورة تعلم الكروشيه من البداية وحتى الإحتراف

دورة تعلم الكروشيه من البداية وحتى الإحتراف