الدرس(12):سلسلة الإرتفاع turning chain stitch

بسم الله الرحمن الرحيم

الدرس الثانى عشر



سلسلة الإرتفاع

the turning chain stitch

بعد ماخلصنا الدروس الساابقة واللى إتكلمنا فيها عن الغرز الأساسية فى الكروشيه واللى كانت

غرزة السلسلة
غرزة الحشو
غرزة النصف عمود
غرزة العمود
غرزة العمود الثلاثية
غرزة العمود الرباعية
غرزة العمود الخماسية
الغرزة المنزلقة

_لاحظنا إن لكل غرزة من هذه الغرز لها إرتفاع مختلف عن الغرزة الأخرى

_فعند البداية فى سطر جديد لأى غرزة سوف نبدأ الغرزة من قاعدة السطر وذلك يتطلب منا اولا ان نأتى بالخيط إلى الإرتفاع المطلوب للغرزة قبل البدء فى عملها

_وهذا الإرتفاع يتكون بعمل سلسلة (او عدد من السلاسل)فى بداية السطر تماثل إرتفاع الغرزة التى سنقوم بعملها فى هذا السطر

_هذه السلسلة(او السلاسل)تعرف بإسم سلاسل الإرتفاع turning chain stitch

_وهذه السلاسل يمكن شغلها قبل او بعد لف العمل مش هتفرق(والمقصود من لف العمل هوا قلب العمل عكس عقارب الساعه بعد الانتهاء من السطر للبدء فى سطر جديد)

_وهنا جدول يوضح عدد سلاسل الإرتفاع المطلوب عملها فى بداية كل سطر لغرز الكروشية المختلفة



_وكلما زاد عدد سلاسل الإرتفاع كلما زاد طول الغرزة

_وهذا أيضا رسم توضيحى لسلاسل الإرتفاع فى الغرز المختلفة



_عادة سلسلة(سلاسل) الإرتفاع تعد كأول غرزة فى السطر لذلك بعد عمل سلسلة(سلاسل)الإرتفاع مش هنشتغل غرزة تانية فى أول غرزة فى السطر (هنفوتها)

_وعندما نأتى لنهاية السطر هنتعامل مع اخر سلسلة إرتفاع من السطر السابق كغرزة فى السطر وهنشتغل فيها غرزة جديدة

_هذا الوضع يختلف فى غرزة الحشو فسلسلة الإرتفاع لا تعد كأول غرزة حشو لذلك بعد عمل سلسلة الإرتفاع بنشتغل غرزة حشو فى اول غرزة فى السطر(مش هنفوتها) وعندما نأتى لنهاية السطر مش هنشتغل غرزة حشو فى سلسلة الإرتفاع بتاع السطر السابق

وهنا جدول أوضح فيه عدد ووضع سلاسل الارتفاع فى غرز الكروشية والمقارنه بينهم



وبكدا نبقا إنتهينا من درس النهارده

واى سؤال انا فى الخدمة

وإنتظرونى فى الدروس القادمة وهنبدأ فيها شرح الغرز الخاصة فى الكروشيه بإذن الله

جزانا وإياكى أامل محمد

سعيده بمتابعتك للدورة

وان شاء الله تستفيدى منها اكبر استفاده

باالنسبة لتطبيقات هتلاقى فى نهاية كل درس واجب عملى مطلوب تطبيق

اما هذا الدرس واللى اتكلمت فيه عن سلسلة الارتفاع فلا يوجد له تطبيق فهو درس لتوضيح الفرق بين الغرز السابق شرحها

فارجو منك العوده للدروس السابقه وتطبيق الواجب قب ما نبدأ فى الدروس الإحترافيه

وفقك الله

اهلا وسهلا امل محمد وسعيدة بمتابعتك

واتمنى لو انى كنت رايت تطبيقاتك على المنتدى

وبالنسبة للتطبيق على عمل كامل مش هينفع فى هذه المرحلة من الدورة لان لسه فيه اجزاء كتير زى التنقيص والتزويد فى غرز الكروشيه واللى مفيش باترون بيخلوا منهم

وكمان لسه هنشرح ازاى نقرا الباترون المرسوم والمكتوب

فارجو منك عدم الاستعجال فكل شئ هيجى فى وقته

وان شاء الله تابعى معى ومش هتنسى حااجة بإذن الله

جزاك الله كل خير

وشكرا على دعواتك الحلوة

ويكرمك يارب تكونى استفدتى من الدرس