طلبات ترجمة باترونات التريكو لشهر مايو لكل العضوات الكريمات

بسم الله الرحمن الرحيم

بعد السلام يا أحلى لهلوبات

لاحظت فى الفترة الأخيرة طلبات كتير من العضوات لترجمة كثير من الباترونات التريكو الإنجليزية وكثير منكم بيشتكى ان الباترونات اللى موضوعه فى المنتدى باللغه الانجليزية

طبعا انا كان ممكن ما اعملش القسم ده وكان ممكن اكتفى بقسم باترونات التريكو العربيه او المترجمة بس لاقيت ان مش هيبقا فيه تنوع فى الموديلات والباترونات وكمان الترجمة بتاخد وقت وجهد فعشان اترجم موديلين او ثلاثه مثلا ممكن اخد اسبوع لانى معمل حاجات تانية غير الترجمه

المهم مش هطول عليكوا انا كان هدفى من القسم ده انى افرجكوا على كل حاجه خاصه بالتريكو وكمان فيه ناس كتير بتفضل الباترونات الانجليزى وغير كدا وكدا ان اللى يعجبه حاجه انا اترجمهاله من عنيا الاتنين

عشان كدا عملت الموضوع ده
هيكون خاص بإستقبال طلباتكم لترجمة الباترونات الانجليزية للعربية

بس بعد اذنكم هيكون فيه شرط

كل عضوة من العضوات مسموح ليها بطلب ترجمة موديلين فقط فى الشهر
وان شاء الله الحد الاقصى اللى ممكن اترجمه خلال الشهر هيكون 10 موديلات وهقفل الطلبات
لان الطلبات كتير وعشان اقدر ارضى جميع الأخوات والكل ان شاء الله هيسفيد
وعلى فكرة مش شرط يكون الموديل او الباترون موجود فى المنتدى يعنى ممكن تجيبى موديل من اى موقع تانى عربى او اجنبى

والموضوع ده هيكون متجدد كل شهر ان شاء الله

المطلوب منكم اى حد حابب موديل وعاوز ترجمته يجيب اللينك ويحطه هنا فى الموضوع وان شاء الله بعد ما اترجمه هاجى هنا برضه واحطلكم لينك الترجمة

مستنياكم واتمنى التوفيق للجميع

<<<<<<<<<<<<<<<<>>>>>>>>>>>>>>

تم بحمد الله ترجمة الموديل الاول اللى طلبته العضوة ( ايفى )
توب تريكو للصيف بنص كم وكشكشة لاسيه بباترون مترجم للعربى

ربنا يكرمك ياقمر وكفاية عليا دعواتكم بجد هيا دى اللى مشجعانى وبتخلينى اعمل اى حاجه عشان خاطر عيونكم
ويارب اكون عند حسن ظنكم دايما

ويكرمك ياقمر وانا فى إنتظار الطلبين بتوعك انا عارفه ان عندك طلبات كتير بس نبدأ ب 2 وبعد كدا ربنا يسهلها

ياقمر ده انا اللى هوريكى العين الخضرا ههههههههههه
الشال خلصان ترجمته من انبارح
باترون شال تريكو مستطيل بغرزة لاسية وضفيرة مترجم للعربى

جزانا وإياكى حبيبتى وانا تحت امركم فى اى ترجمة

بسم الله والصلاة والسلام على رسول الله .. وبعد ربنا يبارك فيكى ياست الكل والكل بيحبك لانك بتبذلى جهد كبيير فى المنتدى لكى كل الود والتقدير يا استازة ورئيس قسم التريكو